En die draak was vertoornd op die vrou, en hy het weggegaan om oorlog te voer teen haar ander nakomelinge wat die gebooie van Elohim bewaar en die getuienis van Yahshua Messiach hou.
1 Joh. 3:4
WAT IS SONDE:
Elkeen wat die sonde doen, doen ook die wetteloosheid, want die sonde is wetteloosheid.
Rom. 4:15
Want die wet werk toorn; maar waar geen wet is nie, daar is ook geen oortreding nie.
Ps. 119:142
U geregtigheid is geregtigheid tot in ewigheid, en u wet is waarheid.
Spr. 25:2
Dit is die eer van Elohim om ‘n saak te verberg, maar die eer van konings om ‘n saak na te speur.
Spr. 28:9
Wie sy oor wegdraai om nie na die wet te luister nie, selfs sy gebed is ‘n gruwel.
Ps. 50:7
Hoor, my volk, dat Ek kan spreek; Israel, dat Ek jou dit kan inskerp: Ek is Elohim, jou Elohim!
Ps. 147:19-20
Hy maak aan Jakob sy woorde bekend, aan Israel sy insettinge en sy verordeninge. So het Hy aan geen enkele nasie gedoen nie; en sy verordeninge, dié ken hulle nie. Halleluja!
Dan. 7:25
En hy sal woorde spreek teen die Allerhoogste en die heiliges van die Allerhoogste mishandel; en hy sal probeer om tye en wet te verander, en hulle sal in sy hand oorgegee word gedurende ‘n tyd en tye en die helfte van ‘n tyd.
Hos. 4:6
My volk gaan te gronde weens gebrek aan kennis; omdat jy die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou Elohim vergeet het, sal Ek ook jou kinders vergeet.
Hos. 3:3
En ek het aan haar gesê: Jy sal ‘n lang tyd moet stilsit vir my, nie hoereer nie en aan geen man behoort nie; en so ook ek teenoor jou.
Sef. 3:10
Oorkant die riviere van Kus vandaan sal my aanbidders, my verstrooide gemeente, my offerande bring.
Gen. 17:5
Daarom sal hulle jou nie meer Abram noem nie, maar jou naam sal wees Abraham, want Ek maak jou ‘n vader van ‘n menigte van nasies.
Deut. 12:1
Dit is die insettinge en die verordeninge wat julle sorgvuldig moet hou in die land wat YHVH, die Elohim van jou vaders, jou gegee het om dit in besit te neem al die dae wat julle op die aarde lewe.